من أجل الخسارات

بصدد الخسارات التى تأتى وتُسقطنا ارضا .. ليست تلك الخسارات البسيطة القابلة لتجاوزها سريعا 

ولكن تلك الخسائر التى تأتى كالجراد تتغذى على كل ما تعبت لاجله يوما وتتركك بلا اى شئ .. بكل ما تعنية حروف العربية من اى شئ 

من اجل الخسائر التى لا تُعوض والتى تستنذفنا حتى نستطيع فقط ان تتحملنا ارجلنا لنقف مرة اخرى كمحاولة للبقاء وأمل أخير فى التمسك ب اللا أمل .. لا يهم كيف سيكون حالنا عند الوقوف .. لانك ستتفاجأ بأحد غيرك وستودع اخر ألفته يوما قتيلا على الارض بجانبك 

من أجل اللا أمل نحاول مرة اخرة لان الله وهبنا اياما اخرى على ما يبدو ان هناك ما هو مطلوب منا عمله 

من اجل روعة الاستسلام ومُغرياته الغير قابلة للرفض .. ونرفض ونعافر 

من أجل الألم الذى يتغير شكله على مدار الايام من خدوش واضحة تؤلم وتنهال دماً الى طعنات غير مرئية تقطر كرامتنا وخيباتنا

من أجل من كانوا يوما قريبين ولم يعودوا على الرغم من رؤيتنا لهم كل حين
ومن أجل اولئك الذين لن نصادفهم يوما فى رحلة الخيبات العمرية لانهم يستحقوا ان يرونا ويأخذوا منا ما هو أفضل من فتات الأنسان المتبقى لدينا .. سنلتقى حتما فى زمنا اخر نكون فيه على قدر يليق بقدركم
من أجل اولئك الذين كانوا دون قدرنا .. ستبقوا كذلك مادام لكم فى هذه الحياة نصيب فى انفاس اخرى
ومن أجلهم ايضا .. سنلتقى حتما ولكن ليس فى هذه الدنيا ليرى كل منا حسابه امام الله بما لم نقوله

من أجل احلاما كانت وردية  وذبلت كل يوم أكثر حتى فقدناها
ومن أجل احلاما تخصنا سنراها فى ايدى غيرنا

من أجل اللاشئ وكل شئ .. من أجلي
أكتب ...

من أجل الخسارات التى لا يُداويها سوى الصبر شراباً يُسكرنا .. لان ما باليد سوى الصبر وتقبل الهزيمة 

الحب كله

تحاول جاهدة الا تقع فريسة لحزن الليل الآتى بصحبة القمر الوحيد ليذكرنا جميعا اننا مثله فى وحدتنا .. تنشغل بالعمل والاغانى الصاخبة ولكنه حنين الليل المؤلم للغاية يختطفها من العمل للحظات كانت معه .. لابتسامته .. اه من ابتسامته 

تذهب يديها بكل تلقائية لتختار أم كلثوم وهى تغنى الحب كله حبيته فيك .. الحب كله .. وزمانه كله انا عشته ليك
وفى كل مرة ترقص عصا الكمان على اوتاره تستسلم اكثر لشعور افتقادها له .. 

الليل .. والهدوء .. و الحب كله .. والحنين المؤلم اليك .. 

 ... تصبح على كل الخير يا من افقتد 

ايديا فى جيوبى

محمد منير لما غنى ايديا فى جيوبى وقلبى يطرب .. سارح فى غربة بس مش مغترب .. وحدى لكن ونسان وماشى كده .. ببتعد معرفش او بقترب !

مكنش يقصد انه فى مكان بعيد متغرب .. كان يقصد بيها الدنيا والحياة اللى عايشنها .. 

احنا فى الحياة فعلا مش عارفين احنا رايحين فينا مهما خططنا .. ولوحدنا ونسانين وماشين مش عارفين فعلا بنقرب من ايه وبنبعد عن مين

ايديا فى جيوبى .. ملناش غير اللى بنملكه .. نفس داخل وهو هو نفس النفس اللى خارج .. وروح محبوسة جوة جسد مقيدها من كل اللى تقدر تعمله

دايما كنت عارفة ان اكيد فى حاجة اكبر من اللى احنا بنعمله ده .. الاهداف الدنيوية على قدر صعوبتها وحجمها الكبير الفعلى فى عمر الناس .. انك تخلص دراستك ويكونلك بيت واسرة وتربى اجيال للمستقبل وايا كان شغلك بيقدم حاجة مهمة ولا لأ وايا كان اطفالك دول هيبقوا حاجة ولا لأ .. كنت دايما شايفة ان فى حاجة اكبر من كده ..

هو فعلا فى اكبر من ده بس مش فى الدنيا .. يمكن يكون ده السبب اللى هيخلينى اوقن اكتر فى الحياة اللى بعد الموت اللى احنا عايشينه .. عشان صوت نفسك على التراك وانت بتجرى بعزم ما عندك ووانت مش قادر تاخد نفسك .. مش معناه اننا عايشيين

الجسد حى والروح محبوسة .. اكيد دى مش الحياة !! 

خاطرة هاربة

المشاعر الانسانية على الرغم من بسطاتها فى الشكل المجرد الا انها معقدة جدا 

يعنى الشعور بسيط اذا بالحب او الكراهية او الخوف او الحنين او الوجع او الحزن او السعادة او الافتقاد او الغيرة حتى الاستسلام واليأس والتفاؤل والأمل و الندم .. الشعور نفسه بسيط لكنه فى غاية التعقيد فى نفس الوقت

بستغرب كتير لكون الاحاسيس دى على ضخامتها بتقدر تتحملها خلايانا الدقيقة جدا اللى ممكن تتخدش بطرف ورقة فى كتاب جديد فما بالك بقى بالخلايا المسئولة انها تحس جوانا بالحاجات دى كلها

كمية المشاعر اللى بتعصف بالخلايا دى وتخلى روحك طايرة منك سواء فرح او حزن معقدة جدا 

اعتقد اننا لو نقدر نحس حاجة واحدة فى وقت واحد الشعور هيكون اهون علينا كتير وهنقدر نتعامل معاه بشكل افضل .. لكن الشعور مبيكونش مجرد اوى كده

بنكون بنحب وبنخاف فى نفس اللحظة وبنحن وبنكره نفس الشخص وبنيأس ونحلم فى نفس الموقف وبنغير وبنتوجع فى نفس اللحظة .. الشعور مش مجرد اوى كده زى ما بنقدر نكتبه 

بدليل ان كتير مننا بتخذله كلماته كلها وحروف العربى اللى اتعلمها من زمان انها توصف حاله فى لحظة من اللحظات اللى بيفيض بيها الشعور جواه ومبيعرفش يوصف احساسه

وبدليل ان الاحاسيس دى بتتحرك كتير عكس ارادتنا وعكس المنطق وعكس المتوقع 

فبنلاقى نفسنا بنحن لناس المفروض ننساهم وبنحب ناس كانت بتوجعنا وبنفرح فى اللحظة المليانة حزن وبنحزن فى الاعدة المليانة ونس وبنغير على قد ما بنحب وبنفتقد أحبة عمرهم ما هيكونوا فى يوم معانا ولا حتى هنلمحهم فى الطريق واحنا مش واخدين بالنا وبنندم على كتير عشناه ونتمنى نرجع يوم واحد نعيشه تانى 

ده احنا .. ده انا .. والاحاسيس عمرها ما كانت باللون الابيض والاسود .. بالعكس الاحاسيس كلها واخدة كل درجات الالوان بين الابيض والاسود مرورا بالرمادى اللى بنضحك بيه على نفسنا والازرق بصفاء السما والبحر والاحمر بلوعته والاصفر بغيرته والاخضر بفرحه والبنفسجى بروعته والبرتقالى بأشراقته ... احنا كل الالوان فى كل يوم .. انا كل الالوان فى نفس اللحظة 

زى الاعدة على النيل وقت الغروب تحت ضل شجرة ورد ابيض مع كوباية شاى بنعناع وايدك لامسة ايد حبيبك اللى مغمض عينه فى منتهى الهدوء والسلام قدام شعاع الشمس اللى لسة بيعافر ميغبش وينزل يطفى فى النيل .. انا الالوان .. والماضى الواجع والحاضر المعافر وبكرة البشوش .. انا البشاشة كانت من بقية ملامحى وفقدتها لما زادت الهموم .. انا ضحكة بتقول كتير ووردة بتعافر على الغصن عشان تعيش 

انا .. جوايا كتير 

اسمعوا التراك
 https://soundcloud.com/esraa-kamal-1/changeling-soundtrack-16-end?in=esraa-kamal-1/sets/changeling-soundtracks-very

this photo from >> https://www.facebook.com/pascalcampionart?fref=ts

فلتعتادى

اعلم ان صوت صمته ونسائم هجره لكى تؤلمِك

اعلم ان رؤيتك له من بعيد ستطمئن قلبك قليلا لكنها ستقتلك طويلا  

فلتعتادى يا حبيبتى .. فلتعتادى صمته وهجره 

اعتادى عندما تجدى الغرباء يعرفون عنه ما لم يعد لك الحق فى معرفته

فلتعتادى الغيبه الطويلة .. 

وتحضرى لرؤيته .. لان رؤيتك القادمة له ستكون وهو يمسك بيد امرأة غيرك ويُسمعها كلمات كانت تطير قلبك فرحاً من قبل

اعتاديه ذكرى .. فلا عيب فى البكاء عليه قليلا كلما مر على الخاطر تبسمك عند رؤيته 

اعتادي ان تقولى "كان" عندما تذهب سيرة الحديث الى اسمه ولا تفضحى شوق عينيكِ لمعرفة اخباره حتى وان فاض بكِ الحنين

اعتادى المساحات الفارغة بين اصباعك .. والافضل ان تضمى اصابعك لكى لا تشعرى بوجود فراغ كانت تملئه اصابعه حنان 

وأوصدى ابوابك فى مواجهة اى حب قادم .. فلا أحد يستحق حبيبتى ان تعتادى كل هذا الألم .. دعيه يذهب ولا تذهبى بحثا عنه او عن أخر يشبهه بطريقة او بأخرى .. 

قررى .. فقط خذى قراراً بأنك ستعتادي عدم وجوده وانا اعدك انك يوما ما ستبحثين عنه داخلك ولن تجديه  

وأُقسم

أُقسم لذاتى .. انه ستأتى أياما افضل لن تشتاقى له ولن تحنى له ولن تشعرى بفداحة الخسارة التى تشعرين بها الآن 

أُقسم لذاتى .. ان العمر سيأتى بأياما خيرا من ايامك معه .. اكثر بهجة واكثر سعادة وأكثر املاً

وأًقسم لذاتى .. ان يوما ما سنصحو على نسيانه ..

يا ليتك بقيت غريباً

لك بعينى صورة لم ولن تتغير مهما فعلت .. ولك بقلبى حب بدأ واخذ يكبر كلما مرت عليه الايام والتى لا تعى معنى الفراق 

لك بروحى همسات تترجى الصُدف لعلى اراك حتى والمسافات تفرق بينا .. ولكن فقط لكى ترد لى انفاسى برؤيتك .. لأحصل على لحظة واحدة  لا يؤلمنى فيها اشتياقى لك لأننى اراك .. 

لك بداخلى الكثير الذى لا ينتهى ولا يُنسى ولا أملك أمل فى التخلص منه .. 

يا ليتك قبل ان تذهب اخذت ما لك بداخلى .. يا ليتنى استطيع ان اتجاوزك دون ان افقد منى اكثر مما فقدت يوم فراقك

معك فهمت الرغبة فى التملك .. وفقدت الكثير منى فى محاولة بائسة منى ان أملُكك .. فقدت حتى انى لم اعد اعى من انا بعدما فقدتك وفقدت نفسى .. يا ليت ايامى لم تصادفك .. يا ليتك ما مررت بها .. يا ليتك ظللت غريباً لا اشتهيه .. يا ليتك ما فارقت