روح تعانى فى زحام الألام .. تقف مكبلة تشعر بالضيق وتختنق والهواء لا يصل اليها 

 الى اى مدى ستسطيع ان تهرب ولأى مدى سيصاحبها هذا الزحام .. متى هستنتهى دوامة الغرق فى الشتات والفضاء المسلسل بحلقات  المعدن المحاط بالصدأ.. حلقات لا تتفكك مهما حاولت كسرها 

!! تحتاج الى بعض السكينة والهدوء .. تحتاج ان تتلاشى وتختفى .. تحتاج ان تهرب .. !! اين المفر 

فى فرح جاى

القوة انك تبات ليلك وكل ما فيك مهزوم
وتفتح عينك الصبح مع رنة المنبه وتقوم من على السرير وتشد نفسك وتجهز حاجتك وتفطر وتلبس وتنزل تروح شغلك
تروح شغلك وانت فى الطريق مش قادر تتكلم ولا قادر تستوعب اللى حصل وتبتسم فى وش غلبان وتديلة اللى فية النصيب وتقوم لواحدة شايلة ابنها عشان تعد مكانك وتحط سماعات موبايلك فى ودانك وتسمع اغنية تخلى عينك تدمع وتشوف بنوتة صغيرة وتلاعبها عشان باصالك
وتروح شغلك وتسلم على زمايلك وتضحك معاهم وتهزر زى كل يوم وتخلص شغلك اللى كان صعب اوى عليك يومها بس خلصتة
وتاخد بعضك وتروح البيت وانت كل ما فيك خلصان والامل بالنسبة ليك فى الوقت دة خرافات حكاوى زمان بس بتجيب حاجة حلوة لاهلك فى البيت وتدخل عليهم وتضحك وتنكشهم وتعد تاكل معاهم وانت بتسالهم عملوا اية انهاردة
القوة مش انك ترد وحش على الناس ولا انك متعذرهمش .. القوة انك فى عز وجعك بتقوم وتقف على رجلك وتقول لنفسك انا اقدر اكمل الجاى .. بتبات ليلك وانت حاسس انك مش هتعرف تصحى تانى يوم وبتعرف وبتقوم وبتحاول .. هى كلها شوية ايام من دى وشوية محاولات من دى وشوية يقين انة فى فرح جاى